Bëni sigurmin shëndetësor me AOK-në

E drejta për përfitimet për shkak të sëmundjes fillon në ditën, kur mjekja ose mjeku konstaton tek ju një paaftësi për të punuar, në rastin e një trajtimi spitalor në ditën e pranimit në spital. Punëmarrësit e punësuar do të vazhdojnë të marrin edhe më tutje pagat e tyre gjatë gjashtë javëve të para të paaftësisë së tyre për të punuar. Gjithashtu, edhe përfituesit e pagesës së papunësisë do të vazhdojnë të marrin pagesat përkatëse nga agjencia e punësimit gjatë asaj kohe. E drejta juaj për përfitimin për shkak të sëmundjes pezullohet gjatë këtyre gjashtë javëve; do t'ju paguhet nga java e shtatë e sëmundjes. Ne mund të paguajmë pagesat për shkak të sëmundjes vetëm, nëse na është parashtruar një certifikatë e paaftësisë për punë. Nëse jeni me raport mjekësor, ky vërtetim transmetohet nga mjekja ose mjeku juaj në mënyrë elektronike tek shoqëria juaj e sigurimit shëndetësor - me të ashtuquajturin certifikatë elektronike e paaftësisë për punë (eAU). Ju thjesht duhet të njoftoni punëdhënësin tuaj, që jeni sëmurur. Ky mund të tërheqë vërtetimin e paaftësisë për punë në vijim drejtpërsëdrejti nga shoqëria e sigurimit shëndetësor. Nëse një transmetim elektronik nuk është i mundur, ju merrni një printim në formë letre nga ordinanca mjekësore. Ju dorëzoni këtë fletë tek AOK-ja juaj sa më parë.

Të siguruarit e AOK-së kanë vendimin e tyre të lirë, të zgjedhin mjekun dhe spitalin e tyre. Përveç kësaj më lart kujdesi ambulator i mjekut të përgjithshëm dhe kujdesi i mjekëve specialistë oforhet kryesisht në praksat individuale - dhe të përbashkëta të mjekëve. 

Fëmijët tuaj janë automatikisht të siguruar në sigurimin familjar falas dhe marrin të njëjtën mbrojtje. Nuk duhet të paguhen kontribute të veçanta për ta. Në përgjithësi edhe pasardhësit tuaj janë të siguruar deri në mbushjen e moshës 18 vjeçare. Nëse deri në moshën 23 vjeçare fëmijët nuk janë ende të punësuar me fitim, ata përfshihen njësoj edhe deri atëherë  në sigurim. Nëse ata vazhdojnë edne shkollen, shkollen e lartë apo diplomojnë në një formim profesional, atehger zbatohet kufiri i moshës 25 vjeç. Kufijtë e të ardhurave vlejnë për të gjithë anëtarët e familjes që dëshirojnë të bashkohen. Të ardhurat totale mujore nuk guxon të kalojnë 470 Euro. Kjo vlen edhe për fëmijët.

Nëse fëmija juaj sëmuret, drejtohuni pediatrit tuaj. Për të parashtruar kërkesë për ditët me raport mjekësor për fëmijë të sëmurë, ju lutemi dorëzoni tek AOK-ja juaj të ashtuquajturin vërtetimin e raportit mjekësor për fëmijë të sëmurë ("Kinderkrankenschein"), të cilin e merrni nga pediatri juaj.

Në sigurimin familjar nuk mund të sigurohen personat të cilët janë të vetëpunësuar me kohë të plotë. Nga ana tjetër, sigurimi familjar është i mundshëm, nëse jeni i vetëpunësuar  me kohë të pjesshme dhe jetesën tuaj e financoni kryesisht me të ardhura të tjera nga puna e jo të qenurit në vetëpunësim. Kjo vlen nëse koha javore e punës si i vetëpunësuar nuk i tejkalon 20 orë.”